Fundjavën që shkoi, gjatë kohës kur po mbahej manifestimi Muslim Expo në Antverpen të Belgjikës, festival ky tradicional në të cilin promovohet kultura islame, një turmë protestuesish anti-mysliman ishin mbledhur përjashta duke mbajtur në duar pankarta me sllogane: “Stop Fashizmit Islam”, “Jo shamisë”, “Jo xhamive”.
Ndërkohë që protestuesit e grupit nacionalist të ekstremit të djathtë të quajtur Vlaams Belang po protestonin, Zakia Belkhiri, një femër myslimane me shami, e buzëqeshur, po shkrepte selfie para turmës së këtyre protestuesve, të cilët po e quanin atë “kërcënim për sigurinë e tyre”.
E gjithë kjo skenë ishte kapur nga kamera e Jurgen Augusteyns, i cili kishte publikuar këto foto në gazetën Vice, e që më pas u shpërndanë në mënyrë virale. /tesheshi.com/
