Një komunitet mysliman në afërsi të Polit të Veriut kanë inaguruar një xhami të re në Iqaluit, në rajonin Nunavut në Kanada, duke u bërë kështu xhamia e dytë e ndërtuar në Polin e Veriut, pasi një gazetar saudit raportoi ndërtimin e xhamisë në qytetin kanadez të Inuvikut në vitin 2010.
Xhamia e re e inaguruar të premten që lamë pas, do të shërbejë si një vend për tu lutur dhe si një qendër për komunitetin në Iqaluit, ku banojnë rreth 100 myslimanë. Gjithashtu ajo do të jetë një vend që do të ofrojë mësime për Islamin.
Kur ideja e një xhamie u propozua për herë të parë në vitin 2009, nuk kishte shumë entuziazëm mes myslimanëve vendas. “Njerëzit thoshin se aty nuk ishte e nevojshme ndërtimi i një xhamie dhe se ata ishin një shoqëri tranzite, ku shumë persona vinin e shumë të tjerë iknin”,- tha Syed Asif, një qytetar pakistanez, i cili udhëhoqi projektin.
Në të njëjtin vit, Asif themeloi Shoqërinë Islame të Nunavut dhe nisi mbledhjen e fondeve për xhaminë si dhe negociatat me qeverinë vendase për blerjen e tokës.
“Me ndërtimin e kësaj xhamie, ne tani mund të themi se jemi një pjesë e komunitetit të Iqaluit”,- tha Hussain Giusti, menaxheri i përgjithshëm i Zubaidah Tallab Foundation, i cili bashke me Islamic Association of Nunavut, ndërtuan xhaminë me një kosto prej 800 mijë dollarësh.
Giusti ka thënë se ndërtimi i një xhamie në Polinb e Veriut përçon mesazhin se një xhami mund të ndërtohet kudo. “Nëse mund të ndërtohet një xhami në Iqaluit, mund të ndërtohet në çdo pjesë tjetër të planetit”,- shprehet ai.
Giusti shton se xhamia do të inkurajojë më shumë familje myslimane për të ardhur në këtë zonë. “Kjo xhami nuk është vetëm për tu lutur por edhe për të edukuar fëmijët dhe familjet tona”, – u shpreh Muhammad Wani, zëvendës president i Islamic Association of Nunavut, i cili e quajti këtë xhami të re, si “një ëndërr e bërë realitet”.
Xhamia e parë në Polin e Veriut është ndërtuar nga një gazetar saudit i quajtur Hussein Qasti. Ajo ndodhet në qytetin kanadez Inuvik, rreth 125 milje larg nga Poli i Veriut, për një komunitet prej 75-80 myslimanësh, të cilët ndërtuan shtëpitë e tyre në atë vend.
Qasti mblodhu dhurime nga disa arabë në pjesë të ndryshme të Kanadasë dhe nga inxhinieri irakian Ahmed al-Khalaf, i cili jeton në Inuvik.
Edhe kjo xhami është ndërtuar për të inkurajuar myslimanët lokalë për të planifikuar ndërtimin e një varreze si dhe të një qendre kulturore. /tesheshi.com/
