Një grup i madh besimtarësh myslimanë në Rusi kanë denoncuar luftëtartët e Shtetit Islamik, ISIS, të cilët i kanë cilësuar si armiq të Islamit dhe kanë bërë apel për ndëshkimin e tyre dhe veprave të tyre kriminale.
Drejtoria Shpirtërore e Myslimanëve të Rusisë publikoi të hënën që lamë pas një deklaratë në rrjet,e cila u shpërnda me shpejtësi.
“Anëtarët e Ulama (këshillit të shkollës islamike), duke u bazuar tek Kur’ani, Suneti dhe nga burime të tjera të ligjshme, kanë treguar dhe vërtetuar se të gjitha veprimet e organizatës që e quan veten “Shteti islamik”, janë në kundërshtim të plotë me Islamin, duke filluar nga krijimi i grupeve terroriste e duke përfunduar në mizoritë e tyre dhe ekzekutimet publike”,- thuhet në deklaratë.
“Nga pikëpamja e kanunit mysliman, anëtarët e grupeve të tilla kriminale meritojnë dënimin kapital ose izolimin e plotë gjatë gjithë jetës nga shoqëria”,- nis letra e komunitetit të besimtarëve myslimanë në Rusi.
“Ndjekësit e ISIS janë duke keqinterpretuar besimin fetar dhe Islamin, me brutalitetin dhe mizorinë, dhunë dhe torturat duke vrarë pa masë”,- vijon më tej deklarata. Sipas komunitetit mysliman, parimet themelore të Islamit ndalojnë vrasjen e civilëve, të burgosurve, përfshirë dhe gazetarë apo punëtorë të misioneve humanitare, të cilët kanë rënë pre e sulmeve të ISIS gjatë kohëve të fundit.
“Krijimi i një kalifati është e mundur vetëm me miratimin e të gjitha komuniteteve myslimane, pasi në të kundërt konsiderohet si një rebelim. Krijimi i një kalifati të tillë, pa një deklaratë të përbashkët, do të shkaktonte grindje dhe mosmarrëveshje mes myslimanëve”, thuhet reagim./tesheshi.com/
