Këshilli Ndërfetar i Elbasanit, një organizëm i përbashkët që grumbullon të tre komunitetet fetare kryesore: atë mysliman, katolik dhe rtodoks kanë mbështetur protestën e Kishës Ortodokse Autoqefale të Shqipërisë, e cila ka kundërshtuar përdorimin e vendeve të kultit për çështje omerciale e aq më keq të showbiz-it.
Deklarata e Plotë
“Ne anëtarët e Komitetit të Bashkëpunimit Ndërfetar të Elbasanit, ndjekim përherë me vëmëndje çdo shqetsim apo problem të komuniteteve tona fetare, pasi ‘kur një gjymtyrë e jona sëmuret vuan i tërë trupi’. Sigurisht, që u shqetësuam dhe nuk mund të rrimë pa përkrahur edhe protestën e bërë nga Kuvendi kleriko-laik i Kishes Ortodhokse Autoqefale të Shqipërisë, mbledhur në Shën Vlash të Durrësit, në datat 11 e 12 Mars 2016.
Përdhosja e objekteve të kultit, si dhe të gjithë objekteve të shenjta që nderohen nga besimtarët tanë, jo vetëm që nuk duhen lejuar më, por duhet kërkuar edhe pengimi ndaj atyre që i shfrytëzojnë dhe keqpërdorin këto objekte. Ruajtja e objekteve të kulteve si xhamia, kisha, apo teqetë është ruajtje e dinjitetit të besimit e sanksionuar qartazi në kushtetutën e Shqipërisë. U mbushen 25 vjet nga rënia e diktaturës së egër antifetare dhe me indinjatë të thellë vërejmë se shumë objekte kulti si xhami, kisha, teqe, manastire, apo prona (vakëfe) të tjera të komuniteteve fetare, jo vetëm që nuk po kthehen, por po tjetërsohen dita ditës. Organet përkatëse të shtetit shqiptar, që janë caktuar me kthimin dhe kompensimin e këtyre pronave po nuk janë efeikasë. Edhe pse kohë pas kohe ne ngrejmë zërin tonë, organet përkatëse të shtetit vazhdojnë të ecin në të njëjtin ritëm pa bërë asgjë në këtë drejtim. Ky shqetësim është dhe vazhdon të mbetet për të gjithë komunitetet tona fetare në vend, ndaj ju bëjmë thirrje të plotësoni sa më parë kërkesat tonat. Kërkesat e komuniteteve tona fetare janë të sanksionuara me ligjin përkatës si dhe marrveshjeve të bëra ndërmjet Këshillit të Ministrave dhe Komuniteteve Fetare, marrveshje të cilat janë të një rëndësie të veçantë dhe duhen respektuar me rigorozitet pasi mospërmbushja e tyre cënon apo jep ndikim negativ në harmoninë dhe paqen sociale në përgjithësi. Gjejmë rastin të dëshmojmë edhe një herë se bashkëpunimi ynë fetar është në një nivel shumë të lartë dukë dhënë një shembull që duhet ndjekur nga politika, shoqëria dhe pse jo më gjërë. Sigurisht që shteti ynë duhet të angzhohet në përkrahjen e komuniteteve fetare pasi është në dobi të vetë kombit tone”.
/tesheshi.com/
