Kryeministri Edi Rama pritet të njihet si piktor nga publiku gjerman me anë të vizatimeve që ai ka bërë ndërsa kryente aktivitetet e përditshme në zyrën e bashkisë dhe kryeministrisë.
Tashmë me kostum politikani, Edi Rama nuk ka hequr dorë nga arti dhe këtë e vërtetojnë punimet e tij të krijuara mbi letra të panevojshme të tavolinës së punës.
Një galeri e njohur gjermane ka njoftuar se nga 11 shtatori deri në 10 tetor, do të ekspozojë këto punime të Edi Ramës.
Galeria Kampl në Mynih publikon në faqen “online” 78 krijimet e Ramës të përzgjedhura për t’u ekspozuar.
Pjesa më e madhe e tyre janë vizatuar mbi mbi fletët e axhendës së tij të përditshme apo ftesave të ardhura për pjesëmarrje në aktivitete të ndryshme, gjatë viteve 2003-2013 e kjo përbën një gjetje interesante për galerinë.
Punimi i parë që do të ekspozohet është ai mbi një kërkesë për t’u takuar në kohën kur ishte kryebashkiak i Tiranës nga ministri i Shëndetësisë së kohës, Nard Ndoka e kjo përbën një gjetje për publikun shqiptar, që do ta ndjekë nga larg debutimin e Kryeministrit në Gjermani si piktor. /tesheshi.com/
