Mbi dy mijë muxhahidinët e ardhur në Tiranë nga Kamp ii Lirisë në Irak, pritet të jenë një urë e rëndësishme për të lidhur mërrëdhëniet e qeverisë së Donald Trump me Edi Ramën në Tiranë
Përfaqësuesi politik i Këshillit Kombëtar Iranian, Shahin Kubadi është i bindur se Trump do të ketë një qasje më agressive ndaj Teheranit zyrtar dhe mbrojtja e të drejtave të muxhahidinëve do të jetë pikë e rëndësishme e programit të tij në politikën e jashtme.
“Ne kemi lidhje të fortë me njerëzit që priten të emërohen në administratën e re. Rudy Giugliani është një nga përkrahësit tanë dhe shpresojmë se ai do të ketë post kyç në Uashington. Veprimi humanitar i Shqipërisë për strehimin e 2 mijë të mbijetuarve nga andrallat e tmerrshme në Irak dhe sulmet e vazhdueshme nga Irani, do të vlerësohet edhe si një akt politik nga qeveria e re e SHBA-së”, thotë Kubadi, i cili, megjithatë mban marrëdhënie të mira me të gjitha partitë politike në Shqipëri.
“Unë mendoj se kjo vepër humanitare do të kthehet në një urë më të maddhe bashkëpunimi mes Uashingtonit dhe Tiranës. Donald Trump ddhe njerëzit që ai ka emëruar në Pentagon dhe CIA janë politikanë që kanë një qëndrim agresiv ndaj regjimit në Teheran dhe kështu do të kërkohet mbrojtja e të drejtave të njeriut më me force”.
Tirana mund të kthehet në “vitrinë” e rëndësishme e imazhit të një aksioni që padyshim do të ketë një peshë të rëndësishme në politikën e jashtme të SHBA dhe bashkëpunimi me Shqipërinë do të jetë i shtuar.
Para disa ditësh ka qenë vetë në Tiranë, liderja e Këshillit Iranian të Muxhahidinëve të popullit, Maryam Rajavi dhe ka takuar në fshehtësi edhe drejtues të Tiranës zyrtare.
Siç mësohet, zonja Rajavi ka vendosur kontakte të rëndësishme me qeveritarë në BE dhe SHBA.
Në fillim të juajit, Senati i SHBA. miratoi njëzëri legjislacionin duke riautorizuar sanksionet kundër regjimit iranian për dekadën e ardhshme.
Në një votim 99-0, Senati miratoi një projekt-ligj që do të zgjasë sanksionet kundër zhvillimit të raketave balistike të Teheranit dhe programet e armëve që nuk mbulohen me marrëveshjen historike bërthamore të vitit të kaluar. Masat ishin vendosur të përfundonin në fund të vitit.
Ligji u miratua në Senat dy javë pasi Dhoma e Përfaqësuesve miratoi legjislacionin me një diferencë të madhe 419-1.
Tani do të shkojë në Shtëpinë e Bardhë, ku pritet ta nënshkruajë presidenti Barack Obama. /tesheshi.com/
