Në kulmin e një krize mes SHBA dhe Iranit, me shkak ekzekutimin e gjeneral Soleimanit, nga Teherani ka ardhur një sulm verbal ndaj Shqipërisë, pasi në këtë të fundit janë strehuar pjesëtarë të opozitës iraniane.
Ka qenë vetë lideri i Iranit Al Khameni i cili tha në një fjalim se “është një vend shumë i vogël por shumë djallzor europian, ku elementë amerikanë bashkëpunojnë me tradhtarë iranianë dhe planifikojnë kundër Republikës Islamike.
“Dhe plani që kishin u pa qartë, me protestat që u mbajtën në Iran, pasi disa nga ata tradhtarë erdhën në Iran për të protestuar.
Agjentë armiq nisën të zbatojnë planin për të sabotuar, vrarë dhe opër të shkatërruar si qeverinë ashtu dhe kushtetutën tonë”, tha udhëheqësi iranian.
Por kryeministri Rama, nga Vjena deklaroi se nuk ka arsye për t’u shqetësuar.
“Nuk jam fare i surprizuar nga deklarata në fjalë. Shqipëria ka bërë atë që duhet në respekt të traditës së saj, në respekt të faktit që jemi aleatë strategjikë të SHBA dhe nuk jemi kontributor në këtë aleancë të madhe me raketa apo bomba, por jemi kontributorë në ofrimin përmes një operacioni humanitar, të strehës për një grup njerëzish të kërcënuar me vdekje nga një regjim diktatorial”, tha Rama për TCH. /tesheshi.com/
