Iranianët e Manzës, jo të gjithë janë ata që duken; të persekutuar e të pafajshëm.
Sipas ReportTv, ekziston në raport i policisë shqiptare ku ngrihet alarmi se anëtarë të muxhahedinëve, azilantë politikë në Shqipëri, janë përfshirë në trafik klandestinësh dhe droge. Sipas dokumentit ata kanë dërguar ilegalisht 400 anëtarë nga kampi i Manzës drejt Francës, ndërsa janë kapur edhe me klandestinë nga Lindja e Mesme si dhe drogë në operacionet e policisë shqiptare
Si përgjegjës të këtij trafiku, Policia e Shtetit ka arrestuar anëtarë të MEK në Shqipëri ndërsa ka referuar materialet hetimore në prokurorinë e Durrësit.
Më tej, në 18 korrik 2021, Policia e Tiranës ka sekuestruar një sasi të konsiderueshme droge. Nga hetimet ka rezultuar se në këtë grup që do të trafikonte drogën drejt Italisë kishin rol të rëndësishëm dy oficerë të kampit MEK, mes tyre Hassan N. dhe Narges A.
Një tjetër rast i dokumentuar është ai i një vjedhjeje nga një pjesëtar i këtij kampi i një farmacie bujqësore në Kamëz. Më 26 mars 2021, Policia ka proceduar për akuzën e vjedhjes në bashkëpunim me dy shqiptarë, iranianin Mohammad D, banor i kampit Ashraf 3.
Muxhahedinët në Shqipëri kanë mbërritur me një marrëveshje të qeverisë Berisha në 2013 ku erdhi grupi i parë prej 270 personash, ndërsa sot ata përllogariten në afro 3000 persona, shkruan kështu Shqiptarja.com. /tesheshi.com/
