Drejtori i Grupit të Vaksinave të Oksfordit Andrew Pollard paralajmëroi se do të ketë shumë më shumë mutacione të koronavirusit këtë vit dhe se duhet mësuar me to, por gjithashtu që vaksinat ekzistuese mund të përshtaten shpejt me shtame të reja të virusit që shkakton COVID-19.
“Ndërsa ne presim me padurim vaksinat, gjatë vitit 2021 do të takojmë shumë shtame të reja të COVID-19 dhe do të duhet të mësohemi”, tha ai për BBC.
Sipas tij, pyetja më e rëndësishme është nëse disa nga këto mutacione të reja janë përshtatja e virusit për shkak të imunitetit në mesin e popullatës njerëzore, d.m.th “nëse kjo është për shkak të vetë virusit, apo me të vërtetë si rezultat i vaksinimit”.
Pollard thekson se versionet e reja të virusit po zbulohen në një fazë të hershme dhe se, nëse është e nevojshme, vaksinat do të “përshtaten shumë shpejt”.
Ai pajtohet me epidemiologun John Edmunds, i cili i tha BBC se ishte “e mundshme” që kishte tashmë raste të të dy mutacioneve braziliane në Mbretërinë e Bashkuar.
“Ne jemi një nga vendet më të lidhura në botë, kështu që do të ishte e pazakontë për ne të mos importojmë disa raste të tilla në MB”, përfundoi Pollard. /tesheshi.com/
