Shefi i qeverisë së Kosovës, Isa Mustafa, tha se dialogu me Serbine duhet vazhduar edhe pse vendit iu mohua lëvizja e lirë nga Brukseli; pra ndryshe nga ç’kishte premtuar se pa u lëshua “vizat” për Kosovën, ai nuk do shkonte në Bruksel.
E megjithatë, nga Istogu ku ishte një për një vizitë, kryeministri Mustafa tha se të lësh Kosovën pa viza është e papranueshme.
Sa për Asocacionin, ai tha se ishte temë bisede me palën serbe në Bruksel ditët e fundit dhe se do zbatohej në përputhje me Kushtetutën e vendit.
Javë më parë, si kryeministri Mustafa e si zëvëndësi i tij Thaçi, u irrituan nga vendimi i BE-së për të mos liberalizuar vizat me Kosovën, gjë të cilën ata e prisnin si një “shpërblim” për bindjen ndaj Brukselit në marrëveshjet e firmosura me Kosovën.
Por dita-ditës, po duket se inati i tyre ka rënë dhe se ata i janë kthyer po të njëjtit luajalitet ndaj ndërkombëtarëve. /tesheshi.com/
