Vazhdon me një ndalesë të vogël për darkën, takimi mes Kryeministrave Isa Mustafa dhe Aleksandër Vuçiç, i cili po zhvillohet në Bruksel me ndërmjetësimin e shefes së diplomacisë së BE-së, Federica Mogherini.
Siç bëri të ditur zëdhënësja e Komisioneres për Punë të Jashtme, Maja Koçiançiç, nuk pritet të firmoset një marrëveshje mes palëve, por vetëm të diskutohet mbi Zajednicën dhe çështjet e tjera të lëna pezull.
Koçiançic ka publikuar një orë më parë foton e takimit të përbashkët të dy delegacioneve. Korrespondenti i KTV nga Brukseli, Agostin Paloka tha se nuk dihet sesa do të zgjasë takimi.
Mogherini ka zhvilluar në fillim takime të ndara me delegacionet e Prishtinës dhe Beogradit dhe më pas ka ndërmjetësuar dialogun Serbi-Kosovë.
Tema kryesore e diskutimit të nivelit më të lartë, është zbatimi i marrëveshjes së Asocacionit të komunave serbe, por është prekur edhe çshtja dënimit të politikanit serb nga Mitrovica e Veriut, Oliver Ivanovic. Gjithashtu është folur për, targat, transportin ajror etj.
Zëdhënësja e Mogherinit, Koçiançiç, tha se rifillimi i dialogut është i rëndësishëm për të dyja palët dhe duhet patjetër të ketë progres në zbatimin e marrëveshjeve të arritura”.
/tesheshi.com/
