Kryeministri në detyrë, Isa Mustafa, gjatë një vizite në Bashkësinë Islame ka vlerësuar lartë rolin e BIK-ut në edukimin e qytetarëve, tolerancën që kjo bashkësi ka treguar dhe rolin e saj në unitetin e qytetarëve dhe prosperitetin e Kosovës.
“Po shfrytëzoj rastin që edhe këtu në selinë e Bashkësisë Islame të Kosovës t’ju uroj gjithë besimtarëve mysliman Festën e Bajramit, një festë e cila na bënë gjithë ne bashkë, në të cilën ne i lutemi Zotit për paqe, për prosperitet, për mirëqenie dhe për sakrifica të përbashkëta, që të gjithë duhet t’i bëjmë, në mënyrë që edhe njerëzimi, edhe vendi ynë të bëjë më mirë.
Unë vlerësoj lart rolin e Bashkësisë Islame të Kosovës në edukimin e qytetarëve tanë, të njerëzve tanë, tolerancën që kjo bashkësi ka treguar dhe rolin e saj në unitetin e qytetarëve tanë dhe prosperitetin e Kosovës.
Prandaj falënderoj Bashkësinë Islame të Kosovës, qytetarët tanë dhe ju uroj këtë ditë të madhe, këtë festë e cila të gjithë neve na bënë bashkë”, tha kryeministri Mustafa. /tesheshi.com/
