Kryeministri Isa Mustafa nuk është zmbrapsur nga fjalori denigrues ndaj aktivistëve të Vetëvendosjes, ndërsa ka komentuar sulmin e mbrëmshëm me vezë. Sipas tij, sulmi ka ardhur nga ata që marrin rrogë prej Shpend Ahmetit e Dardan Sejdiut.
“Mbrëmë deri sa shkoja në intervistë në RTK dëgjova një krismë në makinë, por mendova qe ishte jashtëqitje e zogjve. Më paskan gjuajtur me vezë njerëzit që marrin rrogë te Shpend Ahmeti dhe Dardan Sejdiu. Pasi nuk po punojnë asgjë tjetër për qytetarët, le të thyejnë vo. Shpresoj se nuk i cojnë poshtë, kur ti thyejnë ua japin punëdhënësve të tyre me i ngrënë”, ka shkruar Mustafa në Facebook.
Së fundmi, kryeministri dhe aktivistët e Vetëvendosjes janë përfshirë në një debat fjalësh e akuzash jo vetëm për probleme të politikës. /tesheshi.com/
