Kryeministri i Kosovës, Isa Mustafa ka premtuar se në mandatin e parë si shef i qeverisë do të ketë prioritet ekonominë si dhe ka premtuar se do të punojë për rikthimin e Trepçës në hartën botërore të industrisë.
Sa i takon Trepçës, ai ka bërë me dije se po kërkojnë zgjidhje optimale në mënyrë që Kosova të rikthehet në hartën botërore të industrisë.
“Jemi të interesuar që vet menaxhmenti i këtij kompleksi dhe vetë minatorët të jenë të përfshirë në ristrukturim ose të themi më mirë, ashtu siç ne e kemi definuar në programin qeverisës, në ndërtimin e strategjisë për Trepçën, strategji kjo e cila i paraprinë Ligjit të veçantë për Trepçën. Kemi konsultuar edhe qendra të mëdha të hulumtimeve të kësaj industrie në nivel global dhe jemi duke shqyrtuar me kujdes qasjen që duam ta marrim në këtë drejtim, me qëllimin e vetëm që ky kompleks të rikthej Kosovën në hartën botërore të industrisë”,- ka thënë Mustafa për ‘indeksionline’.
