Kryeministri Isa Mustafa, thotë se është në interes të Kosovës dhe qytetarëve të saj përfundimi me sukses i marrëveshjeve me Serbinë në disa fusha.
“Marrëveshjet që mund të arrihen janë në interes të sovranitetit të vendit dhe të integrimeve evropiane dhe euroatlantike. Çështja e energjisë, e asociacionit të komunave, kodit telefonik dhe lëvizjes në urën mbi Ibër, janë diskutuar gjatë, me vite të tëra, shkruan Mustafa në një postim në Facebook, përpara takimit të pritshëm me homologun serb, Aleksandar Vuçiç në Bruksel.
“Ky fakt tregon se janë trajtuar në mënyrë të hollësishme mundësitë, si dhe korniza kushtetuese e ligjore dhe nuk është vepruar dhe nuk do të veprohet në arritjen me çdo kusht të asnjë marrëveshjeje”, shton ai.
Mustafa siguron qytetarët se për marrëveshjet janë konsultuar ekspertë të brendshëm dhe ndërkombëtarë.
Mustafa nisi sot në Bruksel raundin e ri të bisedimeve homologun serb, Aleksadandar Vuçiç, me ndërmjetësimin e shefes së politikës së jashtme të Bashkimit Evropian, Federica Mogherini. /tesheshi.com/
