Kryeministri Isa Mustafa, pas përfundimit të vizitës në Nju Jork, ka mbajtur një konferencë për media ku ka informuar për takimet që ka patur me lider botëror dhe përkrahjen që ka marrë për anëtarësimin e Kosovës në UNESCO.
Ai po ashtu ka dhënë një deklaratë edhe për bllokimin e Kuvendit nga opozita duke thënë se nuk ka krizë institucionale dhe se opozita duhet të tërhiqet nga veprimet e bllokimit të Kuvendit të Kosovës.
“As nuk mund të ketë e as nuk ka krizë institucionale. Unë mendoj që opozita duhet të tërhiqet nga këto veprime dhe të hapim debatin në Kuvend. Me argumente të flasim me opozitën, por kurrsesi të vëmë kushte. Kemi përkrahjen e plotë të qendrave të botës dhe ata vlerësojnë se këto janë në dobi të Kosovës dhe integrimeve të vendit. Kjo është as me pak as me shumë se sa implementim i marrëveshjes së parë dhe nuk del jashtë kornizave të saj për themelimin e Asociacionit. Sepse po zbatoj ligjin si kryeministër i cili është miratuar kur është ratifikuar marrëveshja e 19 prillit 2013”, ka thënë ai./tesheshi.com/
