Shefi i qeverisë së Prishtinës, Isa Mustafa nuk pajtohet me perceptimin e përgjithshëm në Kosovë se korrupsioni është i shtrirë më së shumti në institucionet shtetërore, e se pas papunësisë, përbën problemin më të rëndë të vendit. Gjatë mbledhjes së qeverisë, Mustafa ka reaguar ndaj sondazhit të lëvizjes Fol që nxirrte shifra alarmante për perceptimin qytetar të korrupsionit.
Mustafa deklaroi se nuk mjafton që organizatat lokale dhe ato ndërkombëtare të jepin vetëm vlerësime në bazë të perceptimit sa i përket korrupsionit në Kosovë. Sipas tij, “për 8 muaj kjo qeveri nuk ka pasur afera korruptive”.
Edhe pse i kënaqur me këtë arritje të kabinetit, ai ftoi ministrat të luftojnë korrupsionin, ndërsa qytetarët që kanë të dhëna për afera korrupsioni duhet të paraqiten në organet përgjegjëse. /tesheshi.com/
