Kryeministri i Kosovës në debatin që po vazhdon në Kuvend ka thënë se Kosova duhet të tregohet e gatshme për votimin e Gjykatës Speciale edhe pse burim i krimeve në vend ishte Serbia.
Po ashtu ai ka theksuar se Kosova po demonstron gatishmërinë që të përballet me Drejtësinë edhe pse burimi i krimeve dhe dhunës në Kosovë ishte Serbia.
“Ne kemi pasur adresime dhe porosi të qarta nga të gjitha vendet mike se Qeveria dhe Kuvendi duhet ta marrin përgjegjësinë që ta themelojnë këtë gjykatë”, ka thënë Mustafa.
Ai ka deklaruar se gjatë riprocedimit, jemi bazuar edhe në opinionin e Gjykatës Kushtetuese e cila në aktgjykimin e saj e ka deklaruar të pranueshme kërkesën e kryetarit të Kuvendit duke deklaruar se amendamenti 24 nuk cenon të drejtat e njeriut.
Në fund ai ka deklaruar se është më mirë që rastet të gjykohen në Kosovë./tesheshi.com/
