Kryeministri i Kosovës, Isa Mustafa, dhe partneri i tij në koalicion, Hashim Thaçi, kanë refuzuar ultimatumin e opozitës të lëshuar në protestën e sotme.
Mustafa deklaroi se Qeveria është e palëkundur në mandatin dhe përgjegjësitë e saj, kurse opozita duhet të kthehet në Kuvend dhe mos të merret me gjëra të kota.
“Kjo qeveri do të vazhdojë mandatin deri në qershor të 2018-tës. Mirëpo opozita nuk duhet të vazhdojë me parulla dhe të pavërteta, përdorim të mjeteve të cilat nuk janë ilegale. Jo përmes shesheve, por në kuvend, aty ku janë zgjedhur dhe kur paguhen. Ftojë opozitën që të kthehet në Kuvend që të mos merren me gjërat kota. Sot është u pa se opozita ka hequr dorë nga dy kauzat, në atë të demarkacionit dhe Zajdenicës. Këto parulla zgjojnë nacionalizëm dhe janë pa parsye”, tha Mustafa.
Ndërkaq, Zv.kryemnsri Hashim Thaçi akuzoi opozitën për ndryshim kauzash dhe manipulim të formave të peticionit, megjithëse ranoi se protesta e sotme ishte dinjitoze.
“Kemi kaluar sfida jo të lehta, por prej 15-16 vitesh i kemi përballur me sukses, ndërkohë që sfida të tilla i kanë edhe vendet e tjera të rajonit. Do të punojmë me këmbëngulje për të respektuar dhe për t’i përmbushur të gjitha nëpërmjet punës së institucioneve. Sot patëm kënaqësinë të shihnim edhe një manifestim dinjitoz. Kemi besuar dhe besojmë se sakrificat e së kaluarës, dita më e madhe e vendit tonë, ajo e pavarësisë do të jetë ditë e unitetit dhe jo e konfliktit politik. Kemi qenë të gjithë në opozitë nganjëherë, dikush më gjatë dhe dikush më pak kohë, por gjithmonë kemi bashkëpunuar për të mirën e vendit. Tashmë po ndodh e kundërta e asaj që kanë nevojë qytetarët e vendit tonë. E nisën me një peticion, por ai peticion është me firma të manipuluara të 200 mijë vetave. Ne do të kërkojmë ngritjen e një komisioni hetimor për vlerësimin e atij peticioni. Sot nuk dëgjuam as çështjen e demarkacionit dhe as të Asociacionit, sepse njeriu që i ka ngritur këto çështje e di mirë që ky problem nuk është realitet, por vetëm një improvizim për të provokuar ndjenjat e nacionalizmit. Të tre udhëheqësit opozitarë folën gjithashtu për zgjedhje. Ne kemi marrë përsipër respektimin e vendimit të Kushtetueses, që e lejon ngritjen e atij Asociacioni, mbi parimet kushtetuese dhe parimet e pakos së Ahtisaarit”, tha Thaçi.
/tesheshi.com/
