Isa Mustafa dhe Ramush Haradinaj kanë bërë një replikë të ashpër në distancë duke përmendur Ibrahim Rugovën, presidentin legjendar të Kosovës. Në facebook, të dy krerët, njëi kryeministër e njëri aspirant për atë post nuk kanë lënë jë pa thënë duke u treguar se kush është më rugovist se tjetri.
Mustafa
Ata qe po bejne me gisht e po kercenohen, nuk kane lene asgje pa premtuar e pa ofruar, per te qene ne pushtet: Gjykaten Speciale, vendet e rezervuara edhe dy mandata, gjenerozitete per pakicat, vazhdim te dialogut dhe implementim te marreveshjeve.
Sa per mua eshte e qart se njerezit e LDK -se i kane vra e i kane kercenuar por kurr nuk jane dorezuar. E kane kercenuar edhe Ibrahim Rugoven, jane likuiduar shume veprimtare te LDK-se por fryma shtetendertuese nuk eshte ndale. Nuk do ta ndalni as ju!
Haradinaj
Nuk e di se çka ka patur ndër mend Isa Mustafa, kur e ka shkruar statusin e tij në Facebook, për vrasjen e aktivistëve të LDK-së dhe kërcënimet ndaj Presidentit Rugova, por nëse edhe me pahirë, i ka shkuar mendja tek unë, (sic e paskan interpretuar disa media) kjo tregon burracakërinë e tij. Ai po provon të gjejë fije kashte për ta shpëtuar lëkurën e vetë.
Ia kujtoj Isa Mustafës se kur unë kam pasur marrëveshje burrash me Presidentin Rugova, ai ka qenë si hijenë kundër tij, sikundër që është edhe sot, thellësisht kundër frymës së Ibrahim Rugovës, i cili as në atë dynja nuk do t’i kishte falur Bjeshkët e Rugovës! Lere Facebookun e kthjellu kryeministër, sepse edhe aty e mbyte shqipen!
/tesheshi.com/
