Nëse jeni musliman që aktualisht jeton në Amerikë, sigurisht që do ta merrni një letër anonime të lënë para derës suaj me një dozë ankthi, sidomos në kohën kur Donald Trump sapo u betua si presidenti i ri i Shteteve të Bashkuara, shkruan Metro.
Por kjo familje nga Cincinnati, është befasuar këndshëm me të gjetur një shënim plot ngrohtësi dhe dashuri jashtë derës së shtëpisë së tyre.
Në letrën, e cila nuk është nënshkruar, shkruan:
“Sot fillon një fazë të re për vendin tonë. Pa marrë parasysh se çfarë do të ndodhë, ju lutemi ta dini se ka ende shumë njerëz të cilët do të luftojnë për të drejtën tuaj për praktikimin e fesë suaj dhe që ju të vazhdoni të jetoni jetën tuaj të pa diskriminuar. Ju jeni të mirëpritur në lagjen tonë dhe në qoftë se keni nevojë për ndonjë gjë – ju lutem të trokitni në derën tonë”.
Hend Amry, mbesa e pronarit të shtëpisë, shpërndau në Twitter fotografinë e shënimit që xhaxhai i saj kishte marrë menjëherë pas inaugurimit të Trumpit për president. Cicërima u shpërnda në mënyrë virale.
Në të ajo shkruan: Pas inaugurimit të Trumpit për president, disa fqinj lanë këtë letër para derës së axhës sim në Cincinnati.
Më poshtë ajo shkroi: “Kjo është Amerika që na pranoi si refugjatë politik, Amerika që na dha shtëpi të re dhe Amerika që mban gjallë shpresat tona”.
Cicërima morri disa përgjigje të mrekullueshme nga disa amerikanë jo-myslimane dhe disa jo-amerikanë./tesheshi.com/
