Në SHBA po mbahen përkujtime për viktimat e sulmeve të tmerrshme të ndodhura më 11 shtator 2001, por pas kësaj ngjarje problemi i islamofobisë hyri thellë në damarët e shoqërisë amerikane, që ua vështirëson jetën muslimanëve të atyshëm, raporton Anadolu Agency (AA).
“Muslimanët vazhdojnë të jenë shënjestër e urrejtjes, ngacmimit dhe diskriminimit si rezultat i stereotipeve të përjetësuara nga islamofobët dhe mediat në vitet pas sulmeve të 11 shtatorit,” tha Hussam Ayloush, drejtor ekzekutiv i kapitullit të Këshillit për Marrëdhëniet Amerikano-Islame në Los Angeles (CAIR-LA).
Ai vuri në dukje se organizata si CAIR kanë ndihmuar për të bërë hapa të mëdhenj në kundërshtimin e narrativave të përjetësuara nga organizata dhe individë që përfitojnë nga islamofobia, por se ka ende dezinformata të nxitura nga urrejtja që përhapen në internet.
“Ky dezinformim më pas mund të përjetësohet brenda kurrikulës shkollore që nuk është verifikuar siç duhet, në vendin e punës dhe brenda politikave qeveritare. Si rezultat, 21 vjet pas sulmit, muslimanët vazhdojnë të përballen me kërcënime”, tha Ayloush për Anadolu Agency.
Sipas statistikave të FBI-së amerikane, krimet e urrejtjes kundër myslimanëve u rritën menjëherë pas 11 shtatorit. /tesheshi.com/
