Muslimanët amerikanë kanë shprehur njëfarë bezdie nga fakti një koinçidence aspak simpatike: Dita Kurban Bajramit këtë vit, sipas gjitha gjasave do të bie me 11 shtator, pikërisht në 15-vjetorin e sulmeve të marra si të mirëqena, të Al-Kaidas në kullat binjake në New York dhe Pentagon.
E ndwrsa miliona besimtarw në mbarë globin do të përgatiten për të shënuar këtë festë, liderët muslimanë në SHBA kanë paralajmëruar se “njerëzit mund të kuptojnë gabimisht se, në vend të Kurban Bajramit, ne po festojmë sulmet e 11 shtatorit, gjatë të cilave humbën jetën afër 3.000 vetë”.
Habeeb Ahmed, kryetar i Qendrës Islame në Long Island, tha për New York Times se dikush shumë lehtë mund të keqkuptojë shënimin e Kurban Bajramit, duke thënë: “shikoni këta muslimanë se si po festojnë 11 shtatorin”.
Që nga sulmet në Paris nëntorin e kaluar dhe të shtënat në San Bernardino dhjetorin e kaluar, grupet për të drejtat e njeriut kanë raportuar se sulmet dhe kërcënimet ndaj muslimanëve kanë shënuar rritje.
Në New York, ku imami dhe ndihmësi i tij u vranë së fundmi në Queens, vetëm ideja se festa do të bie me datën 11 shtator ka rritur shqetësimet e sigurisë për muslimanët atje.
Robert McCaw, përfaqësuese e qeverisë në Këshillin e Marrëdhënieve amerikano-islame, thotë se në këtë moment “të gjithë udhëheqësit muslimanë në vend e kanë këtë shqetësim në mendje”.
“Jemi ndjerë të mërzitur edhe ne, sikurse edhe të gjithë muslimanët në këtë vend. E kujtojmë atë ditë, jo pse jemi muslimanë, por sepse jemi amerikanë”, ka thënë McCaw. /tesheshi.com/
