Një seri teorish konspirative kanë dalë në pah me lajmet për një telefonatë mes shefit të Tesla-s, Elon Musk dhe presidentit rus Vladimir Putin, përpara postimit të diskutueshëm të miliarderit në Tëitter, në të cilin ai propozoi një plan me katër pika për t’i dhënë fund luftës në Ukrainë.
Megjithatë, miliarderi mohoi raportet se ai foli me Putinin përpara postimit të bujshëm në Twitter.
Gjithçka filloi kur Ian Bremer, kryetar dhe themelues i firmës konsulente Eurasia Group, zbuloi se Musk ia kishte besuar atij bisedën me Putinin.
Megjithatë, Musk mohon pretendimet e mësipërme të analistit shkencor.
“Kam folur me Putinin vetëm një herë, rreth 18 muaj më parë. Tema e diskutimit ishte Hapësira”, shkroi ai në Twitter.
Javën e kaluar, shefi i Tesla-s u kërkoi 107.7 milionë ndjekësve të tij në Twitter të votojnë një pyetësor me zgjidhje për luftën në Ukrainë.
Ndër propozimet ishte një referendum për territoret e pushtuara që Kremlini planifikoi të aneksonte.
“Rusia do të largohet nëse njerëzit e duan atë”, tha miliarderi.
Kujtohet se, deri më tani, Kremlini ka njoftuar se katër rajone ukrainase i përkasin territoreve ruse, duke përmendur rezultatin e referendumeve, të cilat si Kievi ashtu edhe Perëndimi i karakterizojnë si një proces mashtrues. /tesheshi.com/
