Prodhuesi kinez i automjeteve elektrike BYD ka kaluar Tesla0n në shitje në tremujorin e fundit të vitit të kaluar
E megjithatë, pronari i Tesla-s, Elon Musk, ka folur kundër tarifave të SHBA-së për automjetet elektrike kineze (EV-të), duke thënë se ai nuk mbështet masat që shtrembërojnë tregun.
Duke iu drejtuar investitorëve të teknologjisë në Paris përmes lidhjes video, ai tha se “vendimet që kufizojnë lirinë e shkëmbimit ose shtrembërojnë tregjet nuk janë të mira”, raportoi Reuters.
“As Tesla dhe as unë nuk i kërkuam këto tarifa dhe në fakt u habita kur u shpallën”, tha Musk.
Tarifa për automjetet elektrike – 100 për qind
Presidenti i SHBA Joseph Biden në fillim të këtij muaji vendosi tarifa të reja për një sërë produktesh kineze, duke përfshirë automjetet elektrike, në një përpjekje për të nxitur prodhimin amerikan.
Administrata Biden ka mbajtur një sërë tarifash të vendosura nga ish-presidenti Donald Trump, ndërsa ka rritur të tjerat, duke përfshirë katërfishimin e tarifave për automjetet elektrike në më shumë se 100 për qind.
Shtëpia e Bardhë njoftoi se masat e reja do të prekin mallrat e importuara kineze me vlerë 18 miliardë dollarë. /tesheshi.com/
