Shefi ekzekutiv i SpaceX dhe Tesla-s, Elon Musk njoftoi në rrjetin social Twitter se po blen klubin e famshëm anglez të futbollit Manchester United, ndërsa pak orë më vonë deklaroi se “stand-up comedy” është “puna e tij e dytë”, shkruan The Guardian.
“Po blej Manchester United, ju mirëpresim”, ka shkruar Musk në Twitter.
“Stand-up comedy është puna ime e dytë”, shtoi Musk pesë orë pas njoftimit origjinal.
“Djajtë e Kuq” aktualisht po përjetojnë një krizë të madhe. Brentford i mposhti të shtunën e kaluar me rezultat të lartë 4:0, me Cristiano Ronaldon që dëshiron të largohet nga klubi.
Edhe pse në Premier League-n angleze janë luajtur vetëm javë, United aktualisht është në vendin e fundit të tabelës. Klubi deri më tani nuk ka fituar asnjë pikë dhe ka golavarazh negativ 1:6.
Musk nuk komentoi asnjë nga këto në Twitter, por vetëm tha në stilin e tij se do ta blinte klubin dhe se të gjithë mbështetësit e klubit duhet ta mirëpresin vendimin e tij.
Shumë përdorues të Twitter-it theksuan se Musk premtoi të blinte vetë Twitter-in dhe se blerja ra në qershor të këtij viti. Përveç kësaj, drejtori i Tesla-s dhe SpaceX është mburrur vazhdimisht se do të kolonizojë planetin Mars dhe se do të rrisë lindjet në Tokë.
Një kontigjent i caktuar i tifozëve të “Djajve të Kuq” nuk janë të kënaqur me pronarët aktualë të klubit, familjen amerikane Glazer. Prandaj, disa të pakënaqur shkruan në Tëitter për të thënë se do të përqafonin pronarin e ri, ndërsa të tjerët ishin mjaft të hutuar nga pretendimi i Musk.
United nuk e komentoi postimin e Musk në Twitter.
Sipas revistës Forbes në maj 2022, Manchester United ka vlerë 4.6 miliardë dollarë amerikanë. /tesheshi.com/
