Një nga njerëzit më të pasur në botë, Elon Musk, pranoi në një konferencë të investitorëve të pasur në New York se kishte paguar shumë para për blerjen e Twitter-it dhe se donte të tërhiqej nga marrëveshja, raportoi BBC.
Musk foli në konferencën e Baron Investment në Manhattan ndërsa pritja e tensionuar vazhdon për punonjësit e Twitter-it nëse do të qëndrojnë apo do të humbasin punën e tyre.
Secili prej tyre sapo duhej të kishte marrë një letër nga e cila do të mësonte fatin e tyre.
Ky miliarder e bleu rrjetin social Twitter për 44 miliardë dollarë dhe sipas Business Insider u tha pjesëmarrësve të konferencës: “Unë u përpoqa të tërhiqesha nga marrëveshja dhe ishte si ajo skena e The Godfather”.
Deklaratë e diskutueshme
“Shumica e njerëzve do të thoshin, duke pasur parasysh se si po zhvillohet situata e tregut këtë vit, se çmimi është i lartë.”
BBC e komentoi deklaratën e Musk me fjalët: “Nuk jemi të sigurt se cilës skenë i referohet nga The Godfather, një film klasik mafioz, por shpresojmë që të mos jetë ai me kokën e kalit”.
Në atë skenë, një producent hollivudian mëson koston e refuzimit të tij për të luajtur në filmin e tij të ri këngëtarin e njohur Johnny Fontane, një mbrojtës i një bosi mafioz. Duke u zgjuar në shtrat, producenti gjen pranë tij në çarçafë kokën e prerë të kalit të tij më të mirë të garës. /tesheshi.com/
