Nga emri, tava mund të duket e rëndë, por meqenëse përbërësit nuk janë ata të musakasë klasike, nuk është e tillë.
Përbërësit për një tavë mesatare:
4-5 patëllxhan të mëdhenj
2 fileto pule të plota
6-7 kokrra domate të pjekura mirë
Djathë mocarel
Majdanoz
Kripë, piper
Hudhër
Vaj ulliri
Përgatitja:
Pastrojmë domatet nga lëkura dhe i presim në kubikë. Në një tigan me pak vaj ulliri dhe hudhër, vendosim domatet derisa të shkrijnë. Rregullojmë shijen me kripë, piper dhe pak spec djegës dhe i lëmë mënjanë. Presim patëllxhanët në feta dhe i pjekim pak nga të dyja anët. Fileton e pulës e presim në feta më të holla dhe e marinojmë me kripë e piper.
Nisim shtrimin e tavës: shtojmë në fund të saj pak salcë dhe më pas një shtresë patëllxhanesh. Vijojmë me një shtresë fileto pule dhe sërish me patëllxhanë.
Hedhim përsëri pak salcë dhe vendosim disa feta proshutë. Në fund vëmë mocarelën e prerë në feta të holla. E pjekim në furrën e parangrohur për rreth 40 minuta dhe pasi ta heqim, hedhim sipër majdanoz të grirë. /tesheshi.com/
