Deputeti rebel i PD-së, tashmë pjesë e opozitës së re, Myslim Murrizi, është ndjerë i deliruar nga fakti që në emër të parlamentit shqiptar po merr pjesë në zgjedhjet austriake. Ai madje nuk është kompleksuar aspak teksa ka publikuar foto me socialistin Gjiknurin dhe shkruan më pas, gjithnjë në stilin e tij çapraz: “Dy ditë në Vjenë me Damianin dhe 4 antarë të KQZ.
Meqënëse Basha u pajtua me PS sepse Rama iku(në Amerikë) dhe solli Ivin në komisionin e reformës zgjedhore, edhe unë thashë që nuk ka më kuptim të rri ‘zemruar’, as me Damianin e as me ‘ambasadorin’ e Bashës në komision”, shkruan Murrizi, duke vijuar gati me të njëjtën gjuhë që të vlerësojë sistemin austriak e të godasë atë shqiptar.
“Ky është modeli i fletës së votimit që rreth 6 milion qytetarë austriakë do të votojnë në zgjedhjet parlamentare.
Unë dhe 38 deputetë të opozitës kemi 5 muaj që kemi firmosur për ndryshimin e sistemit tonë bastard zgjedhor…
Unë, Damiani por dhe ky përfaqësuesi i PD, nuk besojmë që austriaket janë më pak vend DEMOKRATIK SE NE!!!!
Pas kësaj besoj që do biem rehat të gjithe se ne parlament do shkojnë VETEM ATA QE VOTOHEN NGA QYTETARET SHQIPTARE, e jo vemje të kryetarëve të partive.
Pas ndryshimit te SISTEMIT ZGJEDHOR nuk ka më “faktorë” politik me “SILIKON”
E di që do mërziten disa spiunë të sigurimit me pseudonime ‘qefulli’, ‘lavreku’, ‘korani’, që drejtojnë emisione televizive, sepse nuk do jenë më jo deputetë por as kryepleq, kllounë të pështirë që na i paraqesin si mender faktorë, po kujt i plasi ????”, përfundon statusi i Murrizit. /tesheshi.com/
