Nemanja Matiç po përjeton ndoshta momentin më të mirë të karrierës, tek Manchesteri. Mesfushori serb është shndërruar në pikë referimi tek ekipi i Murinjos dhe po “mban” peshën e shkatërrim-ndërtimit të aksioneve.
Mesfushori i njeh shumë merita trajnerit të tij për këtë performancë, por si kushdo që ka të bëjë me Murinjon, ka edhe “habitë” e tij në raportin me portugezin, veçanërisht me faktin se ai nuk kënaqet lehtë me lojën e skuadrës.
“Murinjo është trajneri më i mirë me të cilin kam punuar. Por, ndonjëherë nuk është e lehtë të punosh me të. Edhe kur ti luan ndeshjen më të mirë të karrierës, ai mendon se mund të bësh më mirë ndeshjen e rradhës”- është shprehur Matiç për mediat britanike.
Në fakt, trajneri i Manchesterit shumë shpesh i flet gjatë lojës mesfushorit, vecanërisht në fazën e mbulimit të ndonjë hapësire ku kundërshtari mund të dominojë për momente të caktuara.
Megjithatë, ashtu si për shumicën e lojtarëve që kanë punuar me Murinjon, The Special One ka edhe anën e tij të ndjeshme njerëzore.
“Në marrëdhënien private, ai është një njeri krejt ndryshe nga ajo që shfaqet në publik apo në media. është një mik i mirë që të dëgjon dhe shumë sensibël”- thotë më tej Matiç. Në fakt, kështu flasin të gjithë për Murinjon. Mbase metoda kameleone e shfaqjes së tij, e bën atë “special”: Herë është djalli vetë, e herë ëngjëll i ndjeshëm! /tesheshi.com/
