Trajneri i Manchester Junajtid, Hoze Murinjo e konsideron të paprekshëm sulmuesin belg të skuadrës, Romelu Lukakun.
Portugezi e quajti të pakuptimtë insistimin e një grupi tifozësh për formën e dobët të sulmuesit, duke deklaruar se është shumë i kënaqur prej tij dhe se Lukaku do të jetë gjithmonë në formacion, sa të jetë ai trajner.
“Lukaku është top-player dhe po e kryen shumë mirë detyrën e tij. Edhe kur nuk shënon, ai është shumë i rëndësishëm për skuadrën. Ndaj e quaj të paprekshëm. Ju thoni që nuk ndihet në fushë? Po pyesni njëherë mbrojtësit e Totenhemit, është apo nuk është i urtë” – u shpreh Murinjo në një thirrje drejtuar tifozëve.
Lukaku e nisi sezonin në mënyrë fantastike, duke shënuar 7 gola në 7 ndeshjet e para të Manchesterit. Por prej 5 javësh, qendërsulmuesi belg nuk e ka gjetur rrugën e rrjetës. /tesheshi.com/
