Hoze Murinjo nuk e ka problem që nuk është modest. Për çështje që sipas tij, kanë logjikë, ai s’e ka për gjë të mos e fshehë “mburrjen”.
Mediat britanike të mërkurën e kanë cituar me gërma të mëdha, atë që portugezi ka thënë për blerjen e Romelu Lukakut nga Mançester Junajtid, për shifrën e 75 milion paundëve: “u tregova i zgjuar që kërkova blerjen e Lukakut që në fillim të korrikut.
Nëse Mançester do ta blinte Romelun në ditët e fundit të merkatos, do ta merrte nese paguante të paktën dyfishin e çmimit.
Pas asaj që ndodhi me kalimin e Neymar tek PSG, tregu “u çmend” dhe sot Lukaku do të arrihej për 150 milion paund”, është shprehur Murinjo.
Portugezi pra, brenda “mburravecërisë” permanente që ka, dëshmon çdo ditë e më tepër, se nuk e ka kapërdirë ende, “shformimin” që pësoi merkatoja e kësaj vere, me shitjen 195 milion paund (222 milion euro), që Barcelona i bëri brazilianit Neymar. E nëse qëndrimi i tij konsiderohet konservator, atëherë poshtë modernizmi! /tesheshi.com/
