Kreu i shtetit turk, Erdogan tha se “sovraniteti, pavarësia dhe tërësia territoriale e Kosovës janë të padiskutueshme”. Deklarata e tij u bë gjatë një konference shtypi me homologun kosovar, Hashim Thaçi në Ankara.
Siç informojnë mediat vendase, Erdogan theksoi se me Kosovën kanë lidhje të thella historike dhe kulturore dhe se Kosova ka vend të veçantë në mesin e popullit të Turqisë.
Ai potencoi faktin se Turqia është një shtet, i cili pas pavarësisë, e ka mbështetur Kosovën në çdo fushë dhe i ka konsideruar çështjet e këti vendit si të sajat.
Deklaratat e Erdoganit vijnë pas rritjes së presionit rus në Ballkan, gjë që po shoqërohet dhe me tentativat e vazhdueshme të serbëve në veri për t’u ndarë nga Kosova, e mishëruar kjo frymë e strategji dhe tek rasti më i fundit i ngritjes së një muri ndarës pranë Ibrit në pjesën veriore. /tesheshi.com/
