SHBA kanë hyrë në një paralizë të pjesshme të punës autoriteteve federale, pas një përpjekje të dështuar për të bërë kompromis mes Kongresit dhe Shtëpisë së Bardhë për buxhetin dhe financimin e murit në kufirin me Meksikën që dëshiron të ndërtojë presidenti Trump.
Administrata nuk do të marrë asnjë financim nga tani e tutje dhe prandaj do të zvogëlojë aktivitetet e saj në ditët në vijim.
Disa qindra mijëra punonjës në qeverinë amerikane do të detyrohen të punojnë pa kompensim për paralizën e pjesshme të administratës.
Trump shprehu shpresë se paraliza e pjesshme e punës së autoriteteve federale nuk do të zgjasë shumë.
Bisedimet buxhetore tradicionalisht janë të vështira dhe shpesh përfundojnë me bllokime të përkohshme të financimit të qeverisë. Shtetet e Bashkuara tashmë e përjetuan një situatë të tillë për tri ditë në janar 2018. /tesheshi.com/
