Jeni të mërzitur nga ambienti në të cilin punoni dhe përherë mundoheni ta bëni atë sa më pak monoton? Ben Brucker ka menduar ti japë një formë tjetër zyrës së tij në San Francisko, jo duke e pikturuar atë apo duke përdorur bojërat, por nëpërmjet ngjitjes së disa posterave në muret e ambientit ku punon prej kohësh.
Ka shpenzuar rreth 300 dollarë për 8.024 fletë të vogla dhe me shumë durim, ka arritur të krijojë disa vepra të vërteta arti, të cilat ndihmojnë në heqjen dhe largimin e stresit.
Tani muret që e rrethojnë gjatë kohës që Ben është në punë, janë shumëngjyrësh dhe me të vërtetë shlodhës. Fatmirësisht, një gjë e tillë atij i lejohej nga eprorët, pasi duhet thënë se ka edhe të tjerë, të cilët nuk të krijojnë shumë mundësi për të shfrenuar fantazinë./tesheshi.com/
