Në mungesë të Ramës – pasi ndodhet në Londër – kreu demokrat Basha është ngrënë me fjalë me vartësin e tij, ministrin e Rendit Xhafaj.
Ka qenë projekligji i vetingut në polici ai që i ka përplasur të dy në Kuvend, ku vëllai i kreut të Rendit – që sipas opozitës është një ish-i dënuar, ka qenë kryefjalë e replikave.
“Mos na bëj si gardian i Kushtetutës, se ti ke emëruar pa veting Prokuroren që të mbyllësh çështjen e vëllait tënd. Ke ndryshuar kodin që yt vëlla të mos ekstradohet. Problemi është që ky është sistemi mafioz, duke vënë figura kryesore të mafies për të bërë vetingun e policisë. Shko arresto paraardhësin tënd dhe jep llogari për tët vëlla që gjezdis i lirë”, tha Basha.
Nga ana tjetër, ministrit Xhafaj ia ka kthyer duke e ftuar të jetë i durueshëm.
“Duhet të kesh më shumë durim që të presësh, për shumë gjëra, edhe për atë që ke kohë që flet, edhe për SPAK-un edhe për BKH, edhe aty ka nevojë për një ndryshim, që procesi i tyre të nisë së pari nga unë, pastaj dhe tek ty, përfshirë edhe familjet tona, pasuritë tona. Do ta marr unë nismën shumë shpejt dhe besoj që do ta shohësh rezultatin sesi do të dalë, prandaj ki durim Lulzim”, tha ministri Xhafaj. /tesheshi.com/
