Vonesa e deputetëve të Listës Serbe për të marrë pjesë në seancën e jashtëzakonshme për formimin e qeverisë “Haradinaj” ka shkaktuar shtyrjen e seancës. .
Pas fjalimit të kandidatit për kryeministër, Ramush Haradinaj, dy partitë opozitare Vetëvendosje dhe LDK kërkuan që të kalohet menjëherë në votimin e qeverisë së re.
Por kërkesa e tyre nuk u hodh në votim nga kyetari i parlamentit, Kadri Veseli i cili ka ndërprerë seancën për një pushim 15 minutësh, pas kërkesës së PAN-it.
Edhe pse kaloi koha e pushimit, seanca ende nuk ka nisur dhe nuk besohet se do rifillojë pa ardhur në Kuvend deputetët e Listës Serbe.
Deputeti i Vetëvendosjes Glauk Konjufca ka thënë se me rifillimin e seancës do të kërkohet hedhja në votim të mocionit ndaj qeverisë. /tesheshi.com/
