“Mungesa e respektit për të moshuarit në shoqëritë perëndimore mund të nxisë epideminë e Alzheimer (në popull e njohur si sëmundja e pleqërisë) dhe se ofrimi i kushteve për një pleqëri të këndshme mund të parandalojë demencën”, sugjerojnë shkencëtarët.
Një studim i kryer nga shkolla e Shëndetit Publik të Yale-s, në SHBA, është e para që tregon se stereotipet sociale dhe kulturore mund të ndikojnë në zhvillimin e sëmundjeve të lidhura me moshën.
Për ta thënë më thjesht: njerëzit të cilët janë kushtëzuar nga shoqëria që të mendojnë se ata do të bëhen të paaftë fizikisht dhe mendërisht në moshën e shtyer, me gjasë ky stres i mendimeve të tilla negative mund të ndryshojë trurin dhe të shkaktojë demencën, besojnë shkencëtarët.
Në të kundërtën, individët optimistë dhe aktivë që refuzojnë të jetojnë konform këtyre stereotipeve, kanë të ngjarë që të qëndrojnë mendërisht më vigjilentë për një kohë më të gjatë.
Hulumtuesit thonë se kjo shpjegon pse vendet perëndimore si Britania e Madhe kanë një normë më të lartë të demencias në krahasim me Indinë p.sh., kur të moshuarit janë të respektuar dhe të nderuar.
“Ne besojmë se është stresi i gjeneruar nga besimet negative për plakjen të përvetësuar nga shoqëria, që rezulton me ndryshime patologjike të trurit”, thotë dr.Becca Levy.
Hulumtimi është publikuar në revistën Psychology and Ageing. /tesheshi.com/
