Emiratet e Bashkuara Arabe kanë një nga 10 vendet me klimën më të thatë në botë. Reshjet mesatare vjetore të shiut në këtë vend janë rreth 78 mm. Në Emiratet e Bashkuara Arabe po improvizohet sa më shumë kohët e fundit, krijimi i reve, në mënyrë që edhe ky vend të prodhojë produktet e veta agro-kulturore.
Sipas atyre që njihen si ‘cloud seeders’ (re-mbjellësit) procesi nuk krijon një mot ndryshe por vetëm rrit shanset e prodhimit të shiut dhe nëse rritet sasia e shiut në re, ai mund të bjerë në formën e reshjeve në tokë. Mënyra se si kjo gjë realizohet, duke parë rritjen e reve në çdo lokalitet dhe duke përzgjedhur retë që kanë më shumë mundësi të prodhojnë reshje.
Pasi përzgjidhet reja, ajo qëllohet në bazën e saj me raketa që përmbajnë jod argjendi dhe kloride kalciumi. Si pasojë e kësaj goditje dhe nga bashkëveprimi molekular që ndodh, reja ‘shpërthen’ dhe reshjet nisin të bien në tokë në formë shiu, e megjithatë, praktika nuk siguron përherë rezultatet e dëshiruara.
“Desalination” (çkripëzimi) është procesi i heqjes së kripës nga uji i detit dhe përdorimi i ujit për qëllime të ndryshme është një proces shumë i kushtueshëm, ndaj këto shtete janë duke kërkuar dhe duke parë për mënyra të tjera nga të mund të nxjerrin ujin, të cilat janë më të lira dhe më efikase. Edhe pse në Emiratet Arabe janë plotë 33 ‘bimë çkripëzuese’, vetëm 42% e kërkesave të popullsisë për ujë arrin të mbulohen. “Re-Mbjellësit” dhe kjo teknikë e re e krijuar rrit nga 5-70% shanset e rënies së shiut duke përmbushur më shumë nevoja të popullsisë.
Sipas National Centre of Meteorology and Seismology , “cloud seeding” prodhon brenda disa ditëve atë sasi uji që çkripëzimit do t’i duhej disa vite për ta prodhuar./tesheshi.com/
