Ish-presidenti i Egjiptit, i larguar me dhunë nga pushteti, është dënuar nga një gjykatë egjiptiane me burgim për përjetshëm pasi është shpallur fajtor për spiunazh.
Mursi dhe dhjetë të pandehur të tjerë janë akuzuar se kanë kryer veprimtari spiunazhi në favor të Katarit, e se i kanë kaluar këtij vendi dokumente sekrete.
Muhammed Mursi dhe dy prej ndihmësve të tij u dënuan me burgim të përjetshëm. Për gjashtë të pandehur të tjerë u konfirmua vendimi i 7 majit, duke u dënuar me vdekje.
I pari udhëheqës i Egjiptit i zgjedhur në mënyrë demokratike është dënuar tashmë nga gjykatat egjiptiane dhe për një sërë veprash të tjera penale.
Për të janë dhënë vendime me burgim të përjetshëm e me vdekje për komplotim kundër Egjiptit e për shpërthim të burgut në vitin 2011.
Një dënim tjetër për të me 20 vite burg është dhënë për vrasje.
Mursi do të qëndronte vetëm një vit në detyrë, për t’u detyruar ta lërë detyrën në korrikun e 2013. Që prej atij viti ai është përballur me një numër akuzash në gjykatat egjiptiane ndërsa gjendet i burgosur. Mbështetësit e tij po ashtu kanë provuar shtypjen nga regjimi i es-Sisit. /tesheshi.com/
