Kampioni i dyfishtë olimpik nga Britania e Madhe, mund ta ketë shikuar filmin “Carrots of Fire”, produksion i vitit 1981, që fitoi katër Oskarë, por vështirë se do ta ketë imagjinuar se ajo çfarë i ndodhi aktorit kryesor në atë film, do t’i ndodhte edhe atij në jetën e tij reale gjatë garave olimpike në Rio, në vrapim 10,000 metra.
Në fakt, kampioni i dyfishtë olimpik në vrapim 5,000 dhe 10,000 metra, somalezi i cili mbron ngjyrat e flamurit britanik për 19 vite me radhë, Mohamad Farah pranoi se në momentin kur u pendua në këmbën e partnerit të tij të ekipit, Galen Rupp e u rrëzua, mendoi se ëndrra e tij tashmë kishte përfunduar, por ai mblodhi fuqinë të ngrihet në këmbë dhe të vazhdojë garën e vrapimit në 10,000 metra deri në fund.
Duke folur për BBC Radio Five Live, pas garës, ai tha: “Për një moment mendova se ëndrra ime mori fund, gara ime përfundoi me kaq. Dhe thashë me vete: Vetëm ngrihu! Mos bjerë në panik! Pa panik!”.
Me 16 xhiro të mbetura për të përfunduar garën, ai arriti t’i kalojë shumicën e vrapuesve, dhe në xhiron e fundit ngel vetëm prapa kenianit Paul Tanui.
Por, britaniku i cili njihet për finishe të fuqishme, bëri një sprint të paparë në 100 metrat e fundit duke fituar kështu medaljen e tij të tretë të artë olimpike.
“Nëse bie në tokë një herë, është vështirë të ngrihesh përsëri në këmbë”, tha ai duke folur për BBC Radio Five Live. “Thashë me vete: Jo, jo. Nuk guxoj ta zhgënjej Rihanën (mbesën e tij)”.
“Kam pasur dëshirë që të fitoj për hir të saj. Dy binjakët e mi tashmë kanë nga një medalje të artë nga Londra, dhe të tretën ia kisha premtuar mbesës”.
“Isha me fat që u rrëzova në fillim të garës”.
Farah do të garojë edhe të mërkurën, ku pritet të mbrojë titullin olimpik në 5,000 metra.
Ndiqeni skenën nga filmi “Carrots of Fire”, të cilën somalezi e “aktroi” në realitet:
