Pas një tregolëshi që mbante firmën e Leo Mess-it, dy direkt dhe një asist, Antonio Conte i Chelsea ka bërë një gjest prej gentleman-i: e ka përqafuar duke ofruar “foton e mbrëmjes” në Champions dhe ka deklaruar burrërisht, edhe pse nën dëshpërimin e humbjes se ai është lojtari më i mirë në botë.
“Messi bëri diferencën dhe ndikoi në rezultatin e ndeshjeve. E përgëzova në fund të ndeshjes pasi mendoj se lojtarët e atij niveli duhen përgëzuar. Vetëm ai mund të bëjë 60 gola në sezon. Po flasim për një lojtar të jashtëzakonshëm, më të mirin e botës”, tha Conte. /tesheshi.com/
