Fotografi suedez Lennart Nilsson kaloi 12 vjet duke fotografuar zhvillimin e fetusit të njeriut – nga spermatozoidi dhe qeliza vezë, deri tek foshnja para lindjes. Fotografitë janë bërë duke përdorur një cistoskop, një pajisje që është përdorur gjatë ekzaminimeve gjinekologjike, dhe me anë të një kamere minore poashtu me dritë të vogël, dhe rezultat janë këto imazhe të rralla të fillimit të jetës së krijesës njeri…
Spermatozoidi në vezëpërçues – Qëllimi është që të arrijë deri te qeliza vezë para 200 milionë “konkurrentëve” të tjerë.
Momenti kyç – Më i shpejti prej të gjithëve lidhet me qelizën vezë.
Embrioni kapet për murin e mitrës – Dhjetë ditë pasi ndodh bashkimi, embrioni vendoset në murin e mitrës.
Truri fillon të zhvillohet – Pas 22 ditësh, fillon të shihet masa e përhimtë prej së cilës zhvillohet truri.
Zemra fillon të rrahë – Pas 24 ditësh embrioni 1-mujor nuk ka skelet. Ka vetëm zemrën e cila fillon të rrahë ditën e 18-të.
Duket fytyra – Në javën e pestë fillon të vërehet forma e fytyrës. Vrimat përfaqësojnë sytë, hundën dhe gojën.
Formohet placenta – Qelizat e jashtme të embrionit lidhen me sipërfaqen e mitrës dhe formohet placenta, e cila gjatë muajve në vijim do të jetë burimi i jetës.
Fetusi përdor duart – Në javën e dhjetë fetusi tashmë ka formën e fëmijës dhe duart fillojnë të lëvizin. Fetusi hulumton mjedisin e saj.
Zhvillohet shqisa e dëgjimit – Javën e 18-të, fetusi mund të dëgjojë shumë prej asaj që ndodh në botën e jashtme.
Dhe vjen bebi…
Në javën e 36-të, fëmija është formuar pothuajse plotësisht. Ai do të vijë në botë për katër javë.
