Kampionët aktualë të Evropës mund të shkojnë në Katar, pavarësisht se janë eliminuar në kualifikueset e Botërorit.
Italianët ishin vërtet të mrekullueshëm gjatë Kampionatit Evropian, i cili u mbajt në vitin 2021 në vend të 2020 për shkak të pandemisë. Megjithatë, eliminatoret e Botërorit ishin një tronditje për Robert Mancinin dhe lojtarët e tij, të cilët u penguan në kualifikime dhe më pas u larguan nga Maqedonia e Veriut në play-off të Kupës së Botës.
Ndaj italianët nuk duhet të udhëtojnë drejt Katarit, por kanë ende shpresë dhe shansi mund t’u jepet në mënyrë të papritur për shkak të gabimit të madh të ekuadorianëve.
Kombëtarja e Ekuadorit u kualifikua direkt në Kupën e Botës, por akuzohet se ka falsifikuar dokumentet e Bajron David Castillo-s dhe raportet e përmendura pretendojnë se ai është në fakt një kolumbian, edhe pse ka luajtur tetë ndeshje për Ekuadorin.
Dokumentet e marra nga kilianët tregojnë se Castillo ka lindur më 25 korrik 1995 në qytetin kolumbian të Tomakut, dhe jo më 10 nëntor 1998 në General Williamil në Ekuador.
FIFA ka nisur një hetim për gjithë këtë me paralajmërimin se Ekuadori mund ta pësojë, gjë nga e cila mund të përfitojë Italia.
Presidenti i Shoqatës Italiane të Golfit, Franco Chimenti, pranoi në emisionin “La politica nel pallone” se Italia e Manccinit ka “shanse të mëdha për të luajtur në Botëror”.
“Po, ka mundësi që Italia të shpëtohet dhe të luajë në Botëror. Ka shanse më të mira për këtë nga sa mendojnë të gjithë. Duket se Ekuadori do ta paguajë rë ndë gabimin e tij me një lojtar që nuk kishte të drejtë të luante”, ka thënë Chimenti.
Chimenti ka shpjeguar edhe pse italianët do të kualifikohen në turne, shkruan Sport Center.
“Ka një rregull të FIFA-s që thotë se në situata të rastësishme, skuadra me pozicionin më të lartë në renditje shkon në kampionat. Në një situatë të tillë është Italia. Këto janë rregullat e lojës. Do të isha shumë i lumtur që kjo ndodh”, shtoi ai. /tesheshi.com/
