Jose Mourinho, trajner i Manchester United, përpara kthimit në Stamford Bridge, tashmë si kundërshtar në përballjen e madhe Chelsea – Manchester United, tha se ai do ta donte Eden Hazard, lojtarin më të mirë të Chelsea, ta merrte në Old Trafford.
Por ish-traneri i këtij ekipi, me të cilin ka fituar tre tituj kampion në Angli, është i bindur se ky klub i Londrës nuk do ta bëjë kurrë ta heqë një yll si belgu.
“Me Hazard kam pasur një marrëdhënie të mirë. Ne ishim kampionë së bashku, kështu që unë mendoj se ruajmë ndjenja dhe kujtime të bukura. Historia tregon se kur Hazard shfaqet si lojtari më i mirë në Premier League, Chelsea është kampion. Kjo ka ndodhur për mua, kjo ka ndodhur me Antonio Conte. Ky sezon ende nuk ka filluar, por në qoftë se ai është lojtari më i mirë në Premier League deri tani, mendoj se Chelsea e meriton të jetë në krye, sepse ai është një lloj futbollisti që mund të bëjë një ndryshim të madh”, ka thënë Mourinho, duke shtuar:
“Unë do të desha që ta kisha te Manchester United, por nuk mendoj se kjo do të na e japë Chelsea”, theksoi trajneri portugez.
Në 8 javë kampionat, belgu i Manchester United ka shënuar 7 gola dhe po bën një paraqitje fantastike. Dhe në Botëror pak muaj më parë, u shfaq si një yll. /tesheshi.com/
