Tek Mancester United janë kapur në panik, kur kanë mësuar se drejtuesit e PSG kanë kontaktuar trajnerin Jose Mourinho.
Drejtuesit e klubit britanik kanë shpejtuar të bëjnë kundërlëvizjen e tyre, duke i ofruar kontratën e re portugezit, kontratë që është ndjeshëm më e majme për xhepin e tij. 22 milion euro në vit dhe 4 blerje BIG, janë vetëm një pjesë e kontratës së re, e cila synon ta “blindojë” luzitanin dhe ta shndërrojë atë në trashëgimtarin e “skeptrit” të Alex Ferguson tek “Djajtë e kuq”.
E për të hapur “oreksin” e The Special One, tek Mancester United garantojnë blerjen e Gareth Bale nga Real Madrid, Antoin Griezman nga Atletiko Madrid, Carlos Soler nga Valencia dhe Emil Forsberg nga Lajpcig. Kontrata aktuale e Mourinhos skadon në vitin 2019 dhe portugezi ka nguruar të rinovojë, përsa kohë dhe stafi i tij ka nisur kontaktet me PSG, i cili është gati të nisë një projekt të ri edhe më ambicioz, me Mourinhon në drejtim të skuadrës.
Tashmë në Manchester luhet me letra të hapura dhe do të jetë trajneri që do të vendosë, nëse do “flirtojë” me parizienët për të rritur “podin”, apo do ta lërë “bllofin”, për të bërë këmbë në historinë e futbollit britanik, e Manchester United në vecanti. /tesheshi.com/
