Jose Mourinho më në fund mund të buzëqeshë. Trajneri i Manchester United, ka grumbulluar për sfidën ndaj Newscastle, edhe dy yjet e skuadrës, Paul Pogba dhe Zlatan Ibrahimovich.
Suedezi rikthehet në skuadër, 7 muaj pasi dëmtoi ligamentin e kryqëzuar në gju, ndërsa francezi i mesfushës, rikthet pas problemit që ka patur në kofshë, që nga mesi i muajit shtator.
Edhe pse për një kohë të konsiderueshme Manchester ka luajtur pa lojtarët kryesorë, skuadra ka mbajtur disi pretendimin për fitimin e titullit.
Por vetë Mourinho nuk ka qenë “shumë në qejf” për pamundësinë për të luajtur siç do ai, të lojtarëve. Edhe pse gjatë kësaj kohe, boshllëkun e lënë nga Ibrahimovich e Pogba, janë përpjekur ta mbushin disi, Lukaku dhe Felaini, sërish, United ka mbetur disi prapa rivalëve nga i njëjti qytet, të City-t.
Megjithatë, përveç gëzimit momental, Mourinho shumë shpejt do të gjendet para “belasë”, nëse do të luajë Ibrahimovich apo Lukaku në sulm, në mos të dy njëherësh. Por siç thuhet në raste të tilla, le të flasim hap pas hapi. /tesheshi.com/
