Ricardo Carvalho, aktualisht lojtar i skuadrës franceze Monaco, në një intervistë të dhënë për median spanjolle Cadena Ser, ka analizuar ish trajnerin e tij, Jose Mourinho, përgjatë aventurave të kaluara së bashku në Porto, Chelsea dhe Real Madrid.
Mbrojtësi portugez ka folur për krizën që po e kalon bashkëpatrioti i tij tek skuadra londineze Chelsea.
“Mourinho e di saktësisht se çfarë do. Ai bën gjithçka që të jetë e mundur, vetëm e vetëm për të fituar. Beson shumë në skuadrën e tij dhe mendon se ata kanë potencial për të kaluar këtë krizë. Problemi i tij qëndron pikërisht këtu: ai nuk di të jetojë me humbjet. Mirëpo, nuk ka asnjë trajner më të mirë se ai për të kaluar këtë lloj situate”, u shpreh Carvalho.
I pyetur për ndeshjen ndërmjet dy ish skuadrave të tij, Porto-s dhe Chelsea-s, portugezi u shpreh:
“Realisht as vetë nuk e di se për cilën skuadër do bëj tifo. Jam rritur në Porto, mirëpo në Chelsea kam qëndruar më gjatë. Aty është ish trajneri im dhe ish bashkëlojtarët e mi. Mendoj se ndeshja do të përfundojë në barazim, megjithëse Chelsea ndodhet në epërsi, pasi luan para publikut të saj”, përfundoi mbrojtësi veteran./tesheshi.com/
