Jose Mourinho mohoi se është duke negociuar me Neëcastle, dyje shtuar se nuk mendon që Roma po kërkon një trajner të ri pas shpine. Ai zbuloi gjithashtu se nuk është i sigurt nëse kishte një ofertë për të marrë kombëtaren e Brazilit, si dhe konfirmoi ardhjen e një serie për të në Netflix.
“Në të do të zbuloni se jam krejtësisht i çmendur”, përshkroi ai atë që do të vinte.
Portugezi është nën kontratë me Romën vetëm deri në fund të sezonit dhe negociatat për një zgjatje nuk kanë nisur. Roma nuk dëshiron të flasë për këtë dhe pretendon se gjithçka duhet të zgjidhet brenda katër mureve të klubit.
Vetëm pas kësaj ata do të dalin publikisht me informacionin. Ndërkohë Mourinho po lidhet me punë të tjera. Është përmendur mundësia e marrjes së skuadrës së Neëcastle, por edhe kombëtares braziliane, shkrujnë disa media sportive.
“Nuk e di nëse kjo është e vërtetë për Brazilin sepse nuk kam folur drejtpërdrejt me askënd. I thashë agjentit tim se nuk dua të hyj në negociata derisa Roma të vendosë nëse unë qëndroj apo largohem. Nuk mendoj se Roma është duke negociuar me trajnerë të tjerë. Për mua, ndershmëria është më e rëndësishmja, dhe nuk kam arsye të mendoj se familja Friedkin nuk është e sinqertë. Unë u besoj plotësisht atyre”, tha Mourinho.
“Nuk kam nënshkruar ende me Romën, por ia kam dhënë fjalën klubit. Kam pasur një ofertë, nuk do të them nga kush, por e kam thënë në seri. Ata donin që ta thyeja fjalën ndaj Romës, por unë refuzova. Për ofertat që marr fillimisht do të informoj presidentin e klubit. Besoj në reciprocitet dhe prandaj mendoj se në klub më trajtojnë kështu dhe se gjithçka që flitet është vetëm në fushën e thashetheme”, shtoi ai.
“E gjithë kjo nuk do të thotë se më duan akoma te Roma, por nuk besoj se po negociojnë me të tjerët pas shpine. Unë do t’ju tregoj pse dhe do t’ju zbuloj diçka. Javën e ardhshme do të nisë një serial për mua në Netflix. Mbulon të gjithë karrierën time, ka gjëra në të që nuk ia kam thënë askujt. Në atë serial do të zbuloni se jam krejtësisht i çmendur”, përfundoi ai. /tesheshi.com/
