Menaxheri i Manchester United, Jose Mourinho, nuk është i kënaqur duke aktivizuar veç e vec sulmuesit e tij, ndaj e ka ndarë mendjen t’i hedhë së bashku në fushë.
Bëhet fjalë për sulmuesit e tij të qendrës, Lukaku dhe Ibrahimoviç, të cilët nuk e kanë eksperimentuar partneritetin në sulm, pasi suedezi ka qenë i dëmtuar. Por tani që 35-vjeçari është kthyer e do vend, Mourinho po mendon të luajë me dy “pyka”.
“Zlatan nuk i ka pasur ende 90 minuta në këmbë, por gradualisht po kthehet në formë. Nese më pyesni se kush do të luajë në sulm mes tij dhe Lukaku, unë them se mund të luajnë të dy. Kam menduar që Ibrahimoviç të luajë pak më i tërhequr, si numër 10 që i themi ne, ndërsa Lukaku të jetë sulmuesi pykë. Kam bindjen që mund të funksionojë” – është shprehur Mourinho, i cili ende nuk ka hequr dorë nga objektivi i fitimit të Premier League, pavarësisht se skuadra e tij ndodhet shumë larg nga rivali kryesor, Manchester City. /tesheshi.com/
